منتدى الامل
التسجيل متاح للكل
مرحبا بيكم اجيو تنشطو معاناا

منتدى الامل

حتماً لا توجد هنا خريطة تؤدي إلى الأمل، إلا أن الحياة مليئة بالمؤشرات الإيجابية التي إن تتبعناها سنرى الأمل في كل مكان. هنا أحد الأمكنة التي من خلالها سترى الامل
 
الرئيسيةالبوابةاليوميةمكتبة الصورالتسجيلدخول

شاطر | 
 

 ايام الورعنه

اذهب الى الأسفل 
كاتب الموضوعرسالة
Amool

avatar

انثى
عدد الرسائل : 14
العمر : 21
الموقع : مافهمت
العمل/الترفيه : طالبه بس في اجااااازه
المزاج : معصبه
مزاجك اليوم :
اعلام الدول :
تبادل اعلاني : لايوجد
تاريخ التسجيل : 04/07/2013

مُساهمةموضوع: ايام الورعنه   الجمعة يوليو 12, 2013 10:46 am

هذاك الزمن الاقشر إلي كلنا مرينا فيه ..
ملاحظه// اذا فيه احد مامر عليه زي كذا لايكمل قرأه ويخرب برستيجنا .. هع
طبعاً بقسم هالايام على مراحل ..


(( ايام الكوشخه )) ..
طوق ابو ورده - بكلات ميكي ماوس -شراريب ام كشكش
طبعاً مانسى الروج السحري إلي لونه اخضر وبعد خمس دقايق يقلب احمر كيف الله اعلم

اوه نسينا الفستان المنفوش احزاماته تطرفش ورانا
ولاعاد فيه زي متعارف عليه بالعايله الخوات لو عشر يلبسون طقم (تقولون صبابات قهوه ) ..

.. بس ماشيه الحياه ومبسوطين ..


((ايام بقالة ابو سرور )) ..
الوحده تركض للبقاله من القايله تشتري آيس كريم ابو خمسه
إلي تأكل منه كل العايله
اوه عاد اذا صار لها لوحدها تجلس تلط فيه ثلاث ايام
عاد انا وحده من خوتي كنا نهايط ع الشيبه ابو سرور ونأخذ المارس بربع
طبعاً مانرضى احد من الجيران يستغفله وندافع عنه عشان يثق فينا <<ابوك يالسياسه..


((الحركات الهمجيه )) ..
عاد مدري هالحركات بتوارثها الاجيال او لا .. خخخخخخخخ
حدث ولا حرج ..
اذا بغينا احد يصدقنا سعبلنا باصابعينا ومرنها على رقبتنا
بالدعوه التاليه .. جعلي اموت بالدقيقه عشر طعش مره <<ماأظن اني وفقت بالشرح
ولا اذا جينا نتسامح مد اصبعك الصغير وامد اصبعي الصغير
واذا تكاتفوا اعلنا التسامح (( اذا فهمتوا فهموني )) .. خخخخخخ


(( ايام التلفزيون )) ..
عاد انا كان عندي هالتصرف مدري تسون مثلي ولا لا
اذا جيت اتفرج عالتلفزيون امد كرعاني عالمكتبه
وعاد شوف إلي نتفرج عليه
سبيس تون إلي تفرج عليها هي إلي محد قدها .. هوع هع هع
وإلي بس تابع الكراتين بالقناه السعوديه هي إلي موب شي

ولا سلامتك سلامتك نود لك سلامتك <<< لاتعليق
من كثر ماتجي اغنيتها بمخي للحين
ولا تمثيلية درب الغنيمه ماأنساها يوم سعود جاه شل
جلسنا انا وخواني نبكي عليه يوم كامل .. هع
ولا تمثيلية دمعة عمر يوم مشاعل (زينب العسكري )دعت على نفسها بالسرطان وجاها
علشانها كذبت على ام محمد .. قسم هالتمثيليه سوت لي رعب
حرمت اكذب عشان ربي لايبلاني <<< يقال لها استفادت من التمثيليه .. خخخخخ
ولا الاغاني إلي نستمع لها ..
انا واخي شوق يدفعني لاأرها امي ذكرى لأنساها ... الخ
والمطوره إلي امها تسمح لها تسمع اغاني .. تسمع اصاله ..
نور الشمس نور جبينك ..
واغنية ديانا حداد ياهل العشق دلوني وين الصبر ينباع << ابوك يالصياعه
ولا اغنيتنا بالمطرسه اذا طلعنا بالاذاعه
ليلى بنتون (بالحركات )كالقمري(كل وحده تخيل انها ليلى)
احلى من كل الصوري ..الخ<<<مالي خلق اكمل خنقتني العبره اهئ اهئ



((المحظورات ))
انا المحظور عندي ..
ياويلي ان قربت من تسريحة امي .. قسم ألقى خشتي لاصقه بالجدار
مع اني ماأسوي شي مغير اخلط (العطر- الروج - المناكير )
ابغى اعرف وش من تفاعل يصير <<< مشروع برفسوره ناجح .. خخخخخ

وصلامتكم .. هع



(( اكبر كذبه عشناها ياله متى نكبر )) ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ايام الورعنه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الامل :: المنتدى الترفيهي :: ضحك و فرفشة و نكت و طرائف و فله و صرقعه و دجه-
انتقل الى: